Førstegang utan slide

Fort og gale, som alltid, men her er i alle fall litt lyd frå den første med frets. Tradisjonen tru so er det ikkje veldig spennande, men det viser at det eg no kan spele utan slide på noko eg har bygd sjølv. Hurra!

Fretsprisen

Har, omsider, klaska i hop ein sigarboksgitar med frets, og det er første gongen på eit par år at eg verkeleg er overraska over korleis resultatet blei. At halsen skulle bli so fungerande. med so bra intonasjon som den har, er mildt sagt overraskande. Sidan det fungerte so godt på første forsøk so blir garantert det neste ein skandale, men den tid, den sorg osv.Må seiast at det er litt ok å kunne sage til to gripebrett i slengen. Rosetrestykka eg har er berekna på på seksstrengarar, so det er berre å sage heile og kløyve på midten.

Utover det at den er fretta, so er det ikkje gjort so mykje spesielt med denne gitaren. Testobjekt som forblir i mine hender, so då blir det teke snarvegar der eg kan. Burde lagt meir tid i pussing av hals og greier, men det får bli ein anna gong.
Likar detaljen med ein gammal whiskykork som skruknott på potmeteret då. Viktig å resirkulere der ein kan, og det kjem fleire tilsvarande utover.

Lydeksempel på den her kjem ein gong, garantert, men eg må berre blir vandt med den først. Par år sidan sist eg spelte noke særleg utan slide, so fingrane er litt rustne.

Er rosa og gult kult?

Noken få tonar frå den rosalilla og oversøte. Lyden er ikkje den beste, og eg vel å skulde litt på strengane. Litt må ein jo ofre for å sjå bra ut...

Går uansett fint an å spele på, både til kvardags og fest, so eg seier meg nøgd i dag og.

Pink power!

Dagens rosalilla krumspring er herved på plass. Med tanke på korleis resultatet blei til slutt, so er det gjerne like greit at eit par idear blei forkasta på vegen, for den her blei noko for seg sjølv uansett.

Som nokon kanskje legg merke til, so er stemmeskruene i botnen på denne.  Dette fordi eg hadde lyst til å få til eit hjarteforma hovud på ein Romeo y Julieta-boks, samt at eg har eit par stemmeskruer av denne typen å bruke opp. Syns det funka greit med gaffelen i botnen og det oppsettet som blei her, so det blir nok gjort fleire gonger utover.

Fargen er ein heilt anna ting. Den rosalilla fargen den fekk var egentlig ikkje planlagt, men akkurat til denne so ser det jo bra ut. Har og måla innsida i boksen, so det lyser litt rosalilla ut gjennom lydhola. For den del kjekt å ha nokon gule strengar liggande, for dei kler jo den andre fargen rimeleg bra.

Alt i alt rimeleg godt nøgd med den her, sjølv om det som kjent alltid er ting som kan gjerast bedre. Tek det neste gong!

Har ikkje prøvespelt den her so grundig endå, men det skal bli gjort og det kjem eit lydklipp frå det før den forlet heimen.

Gult er kult?

Eg blei ferdig med ein gitar til no før helga, so då er det greit å få ut litt bilde av den også. I tilfelle det er nokon som faktisk studerar på bilda eg legg ut, so kan eg sei med ein gong at boksen på første bilde stammar frå ein anna gitar. Gløymde å knipse den som blei brukt no før eg hadde mishandla den litt, so det blei funne eit arkivbilde av noko tilsvarande.

Det mest artige med denne tykkjer eg uansett er korleis mønsteret i treet verkeleg kom fram når det fekk litt farge før oljinga. Reine tigerstripene. Gledar meg alt til kommande prosjekt og testing av andre farger.

Utover det so er det ikkje so mykje å bite seg merke i. Det meste gjekk slik eg hadde tenkt og eg har etterkvart bygd eit par av desse cbg-ane so det er ikkje mest å sei om kvar enkelt. Kan uansett melde om eit par litt annleis prosjekt som står på trappene, so det er berre å henge med vidare.

Lyden i denne var faktisk veldig fin. Skal få lagt ut eit lite lydeksempel med tid og stunder.

Nytt år, nytt treverk og nye moglegheiter

Bittelitt tidlegare ute enn i fjor, og har første nye trestrengar klar alt i Mars. Du verda!

Nytt av året er også treverket. No framover blir det ask for alle penga. Kreve litt tilvenning å jobbe med, men ser ut som me kan bli kompisar framover.

Denne boksen var og litt spesiell å jobbe med pga utforminga. Gullbarreboks med skyvelok var litt utanom det andre eg har bygd av so langt. Planen var forøvrig å passe til so eg kunne skyve på plass både hals og lok, og alt skulle bli so fint, men dette slo ikkje heilt til. Som det viser på eine bildet nedi her, so var eg pent nødt til å lappe i hop igjen boksen etter at lista som held på plass loket sa takk for seg.

Uansett godt å være i gang, og godt å ha blitt ferdig med noke. Det kjem meir i nærmaste framtid!

Litt artig med lyden i den her, so lenge so boksen har doble veggar. Usikker på om det viser igjen når eg tek opp litt, men det er berre ein måte å finne ut på. Opptakaren min er uansett 100km unna meg for øyeblikket, so lydeksempel kjem ikkje i dag. Snart!

Meir lyd?

Sidan eg er so effektiv i dag, so kjem det eit lite klipp til. Naturell-lyd frå gitaren på biletet.

Lyd?

Fort og gale berre for å teste, og gi eksempel på, lyden i piezomicen. Ei lita oppgradering i innspelingsutstyr sidan sist eg heldt på med slikt, so no kan eg ikkje lenger skulde alle ulydane på utstyret. Det er uansett lyd, og med tanke på at mic-oppsettet kostar rundt femtilappen, so er ikkje det so ille.

Nedlastingslink

Den andre halvparten av 2011

Nokon bilde og nokon ord om den andre som blei ferdig i 2011. Litt meir effektiv med denne. Var "berre" to månader frå eg begynte og til eg blei ferdig... Imponerande...

Dei par tinga som er verdt å merke seg med denne, er forsøket på litt utskjering på hovudet, samt at den har fått eit gripebrett i rosetre. Gripebrettet kom som eit resultat av at Vegards sløvsinn rota til byggeprosessen litt, og det måtte gjerast eit forsøk på å rydde opp igjen i det på enklaste vis. Å få gripebrettet til å passe var forøvrig mindre arbeid enn frykta, so det skal etterkvart gjerast forsøk på å lage ein litt meir skikkeleg hals med band og det heile. Hurra!

Lyden i denne er heilt ok den og, og her også so skal eg sjå om eg får somla meg til å spele inn litt før eg leverar den frå meg.

Denne skal forøvrig til eit menneske som er utøvande musikar, so med litt flaks får eg høyre meir frå den seinare.

Tilbake frå dei døde?

Ikkje at det har teke lang tid eller noko, men no er det omsider liv i bloggen igjen. Jeij! 2011 kan kven som helst få billig av meg, men det blei til slutt gjort litegrann det året også.

Denne cbg-en blei påbegynt å januar, blei gjort bittelitt med i Mai, for so å bli ferdig i Oktober. So effektivt at ein skulle tru eg var statlig ansatt, noko eg i og for seg er også då, so eg har noko å skulde på.

Med tanke på at eg ikkje hugste frå den eine arbeidsdagen til den neste, som då gjerne var fleire månader seinare, kva eg holdt på med, so er eg faktisk nøgd med det ferdige resultatet. Som alltid so er det mykje småplukk som kunne og burde vore gjort bedre, men alt i alt eit ok resultat. Litt kul lyd er det i den også. Satsar på å få klimpra inn nokon tonar og lagt ut før eg leverar den frå meg.

So mykje meir er det egentlig ikkje å seie no, men det kjem minst ei oppdatering til i dag so lenge so eg har ein ferdiggjort sak til ståande, og so håpar eg på at det blir litt hyppigare oppdateringar i år enn i fjor.

Litt video for å starte det nye året

Kompis av meg har surra seg til å spele inn og legge ut ein liten videosnutt av seg sjølv som spelar på ein av mine bygg, so det må jo nesten delast med folket. Gledar meg litt til å høyre meir lyd frå den kanten etterkvart som karen blir bedre kjent med gitaren.

Enjoy!

Dukka opp ein video til gitt, so her er den :

Ulydar på ein søndag

Bittelitt lyd frå den andre som nettopp er ferdig også. Litt surt, knirkar og skranglar litt, men det er vel berre som det skal være ein søndag formiddag. Slit det med helsa.

Nedlastingslink

Å lyd med din glede

Med tanke på at det snart er eit halvt år sidan sist, so er det gjerne på tide å legge ut ein liten snutt der eg spelar surt igjen. Fått litt nytt leiketøy sidan sist, so no er det boksen i naturellversjon som blir høyrt, ingen vrengt lyd gjennom boksar og dårlige kablar.

Spelinga er fortsatt ikkje allverden, men som før so er det heller ikkje poenget. Lytt og vær glade.

Nedlastingslink i bedre kvalitet

Røyking drep, musikk er gjerne sunnare?

Og sidan eg har vore so fabelaktig effektiv siste veka, so kjem det gubban tute meg ein boks til med ein gong. Fantastisk!

Har, som det går an å sjå på første bildet av denne, begynt å få kloa i ymse boksar av nyare dato, so no er helseadvarslane på plass også. Hurra!

Denne gongen so blei det prøvd noko som mest sannsynleg ikkje blir prøvd fleire gonger. Romeo og Julie gav meg ein tanke om å gjere eit forsøk på eit litt hjarteforma hovud på denne gitaren. Tanken var god og gjennomføringa var ikkje like god, men grei nok. Setje strengar på spetakkelet var mindre greit nok. Funka gjorde det til slutt, men trur som sagt ikkje det blir prøvd på fleire gonger med det heilt første

Lydmessig so er denne heilt fin. Gledar meg alt til å høyre kva karen som skal ha den klarar å få utav den etter litt øving. Er nesten sikker på at me får høyre noko frå den kanten utover nyåret.

Kjem eit lite lydeksempel ein av næraste dagane, berre vent!

Meir Punch før jul

Ein ny liten godklump til folket no sidan det nærmar seg jul. Ny dobbeltstrenga, ny Punch-boks og eit nytt forsøk på å gjere noke nytt og fresht med tanke på utforminga. Er jo strengt tatt berre hovudet på gitarane eg har høve til å leike meg med for tida, so då var det der det blei gjort eit forsøk denne gongen og.

Litt samsvar er jo kjekt, so eg har gjort eit forsøk på å etterlikne emblemet på boksen denne gongen. No når de veit det, so går det gjerne an å sjå på bileta.

Reint byggemessig so har eg ikkje noko spesielt å tilføre denne gongen heller. Når ting går som dei skal, so blir det lite å skrive heim om. Lydmessig derimot, so er det meir å skrive om. Som den forrige Punch-boksen det blei bygd av, so har denne og mykje lyd og bra lyd, og denne gongen kan eg love at det kjem eksempel på det.

Ein gong i løpet av dei neste par dagen so blir det lyd i stova. Kik innom igjen i næraste framtid.

Påan igjen

Etter ein lang haust med ein trøblete rygg, ein senebetent arm og ymse andre distraksjonar, so er eg til slutt i gang igjen med desse strengeleikane. Først ut no er ein dobbelstrenga som forsvinn ut i verda per post i morgon. Godt å være i gong igjen, og godt å sjå at eg tydeligvis ikkje har gløymt alt i løpet av hausten.

Har egentlig ikkje so mykje å melde om sjølve bygginga. Fin boks som utgangspunkt og ting har fungert om lag som tenkt. Vellykka byggeprosjekt blir egentlig kjedelegare å skrive om, men eg føretrekk det tross alt. Heller bra resultat enn lenger avhandlingar om korleis eg redda eit prosjekt frå den sikre død.

Satsar på noko meir givande i skriftlig form seinare. No er eg strengt tatt berre glad på grunn av denne som er ferdig. Blir forhåpentligvis ikkje like lenge til neste oppdatering.

Var veldig fin klang i denne. Kanskje eg får surra meg til å ta opp litt før eg sender den frå meg.